Nada máis cheguei ao Recinto Feiral fun recoller o dorsal. Como xa ía cambiado para a carreira, tocou ver as carreiras das categorías inferiores mentres chegaba a hora de poñerse a quecer. Cando estaba esperando dixéronnos que había algún cambio no percorrido e que non se ía dar a volta pola recinto que xa íamos saír directamente para fora polo que o intento de mellorar o tempo xa non sería posible.

Chegou a hora e fómonos colocando na saída de 10 en 10 corredores segundo os tempos que lle puxeramos ao hora de inscribirse. Así quedei colocado no segundo dos grupos e tras esperar 30 seg. despois da saída do primeiro grupo foi a nosa quenda.

Arranquei bastante ben e rápido pero xa controlando o reloxo para que non me pasara como na proba anterior que acabei pagando o esforzo dese primeiro km onde polo normal a xente aperta máis. Tras saír do recinto o percorrido prestábase a ir rápido xa que era todo baixada sobre uns 800m.

Dende aí comezamos a subir outro tanto, uns 800m. non era unha subida moi forte pero xa lle ía chegando, sobre todo os últimos metros. A partir de aí tramo rompe pernas xa que baixabas unha recta xiro e subías outra. 

Así foron pasando os km's ata que chegando ao km 4 comeza unha forte subida e constante que se estendería sobre 1 Km con unha parte final onde a piques estiven de botarme a andar pero conseguín manter a cadencia e non pararme.

Xa só quedaba unha longa recta onde perdín dous postos pero xa ía no límite coas pernas e entrar de novo no recinto feiral por onde saímos e chegar a meta completando unha distancia de 5,5Km dos 7km que estaban anunciados.

O resultado final foi:

En canto a carreira o percorrido sufriu a variación por dentro do recinto pero unha vez fora foi igual que o último ano. Houbo problemas coas clasificacións, non sei o motivo pero foi un pouco desastre xa que había moitos corredores reclamando. Avituallamento intermedio, final e medalla para todos.

🏆 Clasificación xeral homes 🏆