Dúas semanas antes da proba, lanzaron a app para que fósemos probando que tal ía e non levar unha sorpresa o día da carreira. Así tras a primeira semana probando a app, foi un desastre, só me contaba entorno a 1Km dos 10,6Km que estaba facendo. Sinceramente xa estaba pensando e non facer a proba.

Na seguinte semana cambiei de táctica para seguir probando a ver se podía facer a carreira, cambiei o percorrido para onde tiña pensado facer a proba e correr co telefono na man sin que se apagase a pantalla para ir comprobando si se paraba ou non e o resultado foi perfecto, sincronizado co reloxo. No seguinte intento gardei o telefono como na primeira semana pero no percorrido no que ía facer a proba e perfecto polo que parecía que xa estaba todo ok para a carreira.

Na semana da carreira tiña que chegar a camiseta coa que facer a proba se te inscribías durante un período de tempo pero que se te anotabas despois xa non chegaba para a carreira, eu anoteime antes da fecha que puxeron para poder correr coa camiseta da carreira pero finalmente non chegou para poder poñer o día da proba, tiven que poñer a camiseta da Ponle Freno de Pontevedra 2018 e así polo menos ir coas cores da proba.

A proba podíase facer o 20 ou o 21, decidín facela o 21 para ir vendo que tal ían os do día 20 e o primeiro que se vía era moita xente a que lle fallaba a app, eu xa estaba cruzando os dedos para que a min me fose como nos últimos días, todo perfecto.

Prepareime para a carreira, un pouco de quecemento e dirixinme ao meu percorrido que foi onde preparei a maratón, un circuíto de 1,1Km polo que a dar unhas cantas voltas. 

Tras a foto pre-carreira doulle a iniciar a proba e sorpresa, comezou a falar Matías Prats para darnos a saída e tras a conta atrás comecei a proba.

Saín bastante ben a un ritmo xa por debaixo de 4:00 min/km e segundo ían pasando as voltas ía máis rápido. Na terceira volta que foi a máis rápida marquei un ritmo de volta de 3:33 min/km que non está nada mal. Así os primeiro 5Km fíxenos nun tempo de 18:29 min. que supoñía un ritmo de 3:42 min/km.

Nese punto decidín seguir tirando como na primeira volta para intentar rematar a proba por debaixo de 3:45 min/km pero os ritmos xa non eran tan bos coma antes e a pesar de que seguía tirando a tope cada vez os ritmos eran peores. Foron pasando os km's ata que cheguei ao km 10, paro o reloxo e o ritmo foi 3:45 min/km, xusto no limite.
O telefono non pitara o final polo que en vez de determe de todo sigo trotando e collo o teléfono para ver se me contara os km's e aínda ía polo km 8,9... Como só quedaba un km para completar a distancia segundo o teléfono, decidín facer ese km extra pero xa relaxado e cando chegase a casa mandar un correo para comentarlle o sucedido e a ver se tiña solución.

Tras comentarlle as incidencias e mandarlle as capturas da app do reloxo e da app coa que había que facer a proba, dixeron que non había problema que me ían poñer o tempo que fixen polo reloxo aínda que tardaron en corrixilo, imaxino que houbo moitos tempos que cambiar... De aí a que aínda estea publicando a crónica desta proba 3 semanas despois.