O día 3 de Xuño celébrase o Global Running Day e este ano dadas as circunstancias, o evento converteuse no E-Global Running Day. Proba organizada por Valencia Ciudad del Running e que se podía facer a hora que quixeses dentro do rango establecido que era entre as 6:00h e as 23:00h. Dentro de ese período de tempo tiñas que rexistrar unha actividade na plataforma Strava que previamente na inscrición da carreira tiñas que vincular para facer constar os teus Km's xa que a proba é 100% solidaria. O prezo da inscrición ía destinado a Cruz Roja Responde, a parte a Fundación Trinidad Alfonso convertía en euros os Km's que fixeras nesa actividade polo que cantos máis km's mellor.

O obxectivo sería:

Esperei ata que a calor non fose moi intensa para comezar a correr, o día non estaba despexado de todo pero facía calor de todas formas. Mentres esperaba pensaba sobre o percorrido que ía facer ata que din con un no que podía ir acortando ou alongado os km's segundo me fose atopando pero coa idea de polo menos facer 10K. Tras o quecemento e unha "foto saída" comecei a carreira.

Cando soamente levaba un par de km's xa estaba comezando a suar polo que igual debín de haber esperado un pouco máis antes de poñerme a correr. De momento, aparte da calor, todo ía ben, con ganas de sumar moitos km's e dándolle voltas a cabeza posibles cambios no percorrido.

Así foron pasando os km's e a altura do km 7 aprox. tomo unha das dúas gominolas que levaba e unha pouca de auga.

Xa en Ponte Ulla percorro o Camiño de Santiago que practicamente todo o tramo é subindo e comecei a notarme falto de forzas polo que a idea de ir incrementando o percorrido xa se me ían pasando. 

Rematei de subir en torno ao Km 8,3 e dende alí podíase ver toda Ponte Ulla. Continuei o traxecto pero muscularmente xa ía tocado, custábame ter un ritmo "decente" pero había que seguir polo menos ata chegar a casa onde practicamente era todo terreo favorable pero levaba dor de pés e de cuadríceps sobre todo cando as baixadas eran un pouco máis pronunciadas. 

Cheguei a un dos puntos nos que podía recortar ou facer máis km's e a pesar de xa ir tocado, decidín tirar para sumar máis km's a causa.

Esa cambio de percorrido seguía con terreo favorable ata o Km 13 aprox. onde comecei a subir e xa que ía máis relaxado tomei a segunda gominola e outro sorbo de auga.

Rematada a subida volta a baixar duramente, practicamente ata a altura do Rio Ulla, o ritmo que estaba levando xa era todo por inercia. Ata que no km 16 aprox. volta a subir xa rumbo ao lugar de saída pero ao chegar alí e ver que levaba 18 Km decidín darlle dúas voltas ao cadrado no cal preparei a maratón e completar así os 21Km. 

Finalmente tras dar esas dúas voltas e regresar ao punto de saída completei unha distancia de 21,55Km que non está nada mal.

O resultado final foi: