Xa co dorsal recollido nos días previos, cheguei a Santiago coa sorte de que saía un coche e puiden aparcar a primeira. Menos mal porque foi aparcar, colocar o dorsal e xa faltaban 10 min. para o comezo da proba polo que fun a trote cara o arco de saída. Alí tiven que facer sitio para poder entrar no caixón que me correspondía ata que quedei colocado practicamente adiante de todo. Chegada a hora sin case darme conta soou o pistoletazo de saída e deu comezo a proba.

Arranquei bastante ben, gañando postos e iso que a proba arranca xa con unha subida por Xoan XXIII. Aínda así non me acababa de sentir cómodo, notaba as pernas pesada e aínda que estaba xa rodando a un ritmo moi bo non tiña boas sensacións. Así fun ata o km 2 onde debían entrar en calor e xa me sentía mellor.

A partir do Km 2 o ritmo seguía sendo moi bo pero xa con sensacións de que podía aguantar ben así durante toda a proba. Tamén influía que a partir de aí o terreo volvíase máis favorable ademais seguía gañando postos pouco a pouco.


Así fun ata a Calle de Santiago de Chile polo km 5,3. Quitando o primeiro quilometro e medio podías dar zapatilla con gusto pero nesa calle comezaba a poñerse complicada a proba. Tocaba subir durante 700m ata o Campus Sur xa no km 6. No km anterior xa levaba unha respiración axitada e veume ben para recuperar un pouco xa que non apertei moito subindo e fun máis intentando manter o ritmo dos corredores cos que ía.

Chegamos ao Campus Sur e xa se podía dar zapatilla outra vez pero non me sentía cómodo, tiña mucosidade na garganta que non me deixaba respirar ben. Chegando a Alameda había que subir outra vez antes de enfrontarnos ao máis duro da proba. Esta subida era máis curta duns 300/400m pero este ano creo que me custou máis subir, posiblemente estivese pagando o esforzo dos primeiros km's.

Xa pola Rúa Galeras era a quenda de recuperar o alento e prepararse para Vite. En Galeras esta o punto de control, km 7,45, onde pasei no posto 65º con un tempo de 27:07 min. que supoñía un ritmo medio de 3:38 min/km. Un pouco máis adiante do punto de control estaba o avituallamento do cal pasei, eu xa só ía pensando en subir Vite.

Antes da subida de Vite, había que subir cara Vista Alegre nese punto km 8 aprox. comezaron os problemas, xa non só levaba mal a respiración senón que apareceu o flato. Un dor punzante nun costado que aínda me fixo respirar peor. Aí comecei a pensar que non ía dar conseguido o obxectivo e que Vite se me ía facer eterno. Comecei a ir un pouco máis tranquilo para ver si recuperaba. Chegamos a Vite e parecía que xa todo volvía a normalidade, intento engancharme a dous corredores que me estaban adiantando para volver a entrar en carreira e máis ou menos o consigo, só na parte final de Vite se me fixo dura pero cos ánimos da xente que sempre hai nese punto lévase mellor.

Rematamos Vite, km 9,8 e como quen di a proba estaba rematada, quedaban uns 2km dando todo o que che quedaba polas rúas da zona vella. Que rápido pasa esa zona, dáche a sensación de que en calquera curva non vas dar xirado, para min unha das mellores zonas sempre con gran número de público animando.

Foto: Caldas de S.Jorge Sport Clube

Cerca do último km perdín un posto porque tomeime as curvas con máis tranquilidade xa que o chan estaba mollado e tiña medo de esvarar, pero a posición era o de menos, só pensaba no tempo e durante a rúas da zona vella fun remontado e recortando segundos ao crono que perdera antes de Vite. Así cheguei a Praza do Obradoiro, apertando ata o final para poder conseguir o obxectivo.

Foto: Tere

O resultado final foi:

🏆 Clasificación xeral homes 🏆