Cheguei a Lalín ben de tempo pero fun coa idea de poder aparcar no Lalín Arena pero o parking esta habilitado para caravanas e non se podía aparcar alí, polo que tiven que dar unha volta por Lalín ata que atopei onde poder aparcar. Por sorte non me levou moito tempo e non quedou moi lonxe da saída. Acabei de cambiarme e fun recoller o dorsal, logo tiven que volver ata o coche para poder deixar o agasallo que daban pero de paso xa comezaba a quecer. Un trote suave para ir probando que tal sentía o dedo do pé e aínda que o sentía comprimido dentro da zapatilla e con un pouco de dor nalgún xesto, permitíame correr con normalidade.

Cando restaban 5 min. para o comezo da proba, funme achegando a liña de saída, quedando nunha segunda fila. A verdade é que tiña a intención de saír un pouco máis atrás pero ao final quedei colocado nunha boa posición para intentar mellorar o tempo. Tras unha conta atrás arrancou a proba.

Foto: Atletismo Deza

Saín bastante ben, metido no grupo de cabeza pero tras o primeiro xiro que estaba a uns 200m. xa me fun quedando atrasado, perseguindo ao grupo de cabeza e mantendo un ritmo forte. Durante o primeiro km gañei algún posto pero despois pouco se ían mover as posicións. Fun a un ritmo moi forte durante a primeira volta, non pensei que tería ese ritmo tras case dúas semanas sen adestrar e co dedo un pouco tocado pero aí estaba, facendo unha boa carreira.
Así fixen a primeira volta nun tempo de 10:26 min. que supoñía un ritmo de 3:29 min/km (sempre que cada volta foran os 3Km que se anunciaron) e pasando no 7º lugar.

Foto: Atletismo Deza

A segunda volta comeceina intentado alcanzar ao corredor que levaba por diante do Atletismo Arenteiro. Conseguino adiantar antes da subida forte (Km 3,6) e durante toda a subida fun diante pero unha vez rematada xa no Km 4,3 volveume a adiantar e animoume a seguir con el, eu xa ía xusto de forzas pero intentei seguilo sin ser capaz e uns metros máis adiante comecei a mirar cara atrás para comprobar se viñan rivais, por alí non se vía a ninguén e comecei a afrouxar ritmo. Así durante o último km fun perdendo contacto co corredor que levaba por adiante pero satisfeito co rendemento e sensacións que tiven en carreira. Así cheguei a meta xa soltando pernas e acadando un bo resultado co que non contaba.
Esta última volta fíxena en 11:01 min. que supoñía un ritmo de 3:40 min/km, máis lento pero xa contaba con iso.

Foto: Atletismo Deza

O resultado final foi:

🏆 Clasificación xeral homes 🏆