No día de hoxe tocou desprazarse ata Vimianzo onde se disputaba Campionato Galego de 10km en ruta. Carreira que se faría en unha volta pequena polas calles de Vimianzo e dúas voltas grandes e que esta sería a primeira vez que a ía disputar unha carreira neste municipio. O obxectivo principalmente sería o de mellorar a miña MMP e si se pode subir ao podio moito mellor pero ao ser campionato galego xa é máis complicado. 

Despois de madrugar chegamos a Vimianzo e pronto de máis xa que fun o primeiro en recoller o dorsal. Xa con el tocou esperar un pouco xa que era pronto para poñerse a quecer e esperei a que chegaran os compañeiros de equipo que ían vir participar. Cando faltaba trinta minutos para o comezo da proba xa me preparei, púxenme a quentar e pasei pola cámara de chamadas. Cando xa estabamos todos listos para o comezo, gardouse un minuto de silencio polas vítimas do accidente no rally de A Coruña. 

Unha vez se deu a saída empecei quizais algo forte polas ganas de intentar baixar a marca, aínda así nos 2 - 3 primeiros km sentíame ben sen molestias e ía gañando posicións, ata aí foi todo ben pero a partir do km 5 empecei a ter molestias no tibial do que veño tendo problemas e a sentilo moi cargado e con dor, intentei non baixar o ritmo pero as molestias ían a máis e empezaba a notar as pernas moi cargadas e sen forzas. 

Dende o km 6 – 7 xa non fun quen de gañar máis posición e empezábanme a pasar corredores xa que non daba mantido o ritmo que levaba. Sabendo xa que non ía dar baixado a marca intentei manter un ritmo que me fora máis cómodo e chegar a meta sen que me pasara moita xente. 

O final posto 42º de 204 e 7º da categoría con un tempo de 38:13 o que equivale un ritmo de 3:49 min/km. Os obxectivos desta vez non puideron ser, quedeime a 1:07 da miña mellor marca nos 10km e sen podio, aínda así sorprendeume ser 7º da categoría no Campionato Galego pero sen boas sensación e molestias durante gran parte da carreira. 

Resumindo, carreira que o final non era tan rápida como parecía con un costa importante que fixo que a moita xente non lle saíran os tempos que esperaban polo que haberá que esperar a próxima carreira homologada para intentar baixar a MMP, recuperarme das molestias e seguir adestrando para acadar os obxectivos.