Desta vez tocou desprazarse ata Lugo onde se disputaba a 3ª Edición da Carreira por relevos 3hr Monumentales. 

Este será o segundo ano que participo nesta proba pero desta vez formando parte dun equipo mixto. Os equipos están formados por tres persoas nas que temos que dar un mínimo de tres voltas a muralla de Lugo cada un, cada volta ten unha distancia de 2,65 km e temos que estar dando voltas durante 3 horas. O obxectivo sería desfrutar da carreira, tomalo como un gran adestramento porque ao ser unha distancia “corta” e ser por relevos pódese adestrar series e si se pode chegar o podio moito mellor. 

Unha vez que recollemos os dorsais decidimos máis ou menos como ía ser a estratexia. Eu preferín non ser o que arrancase e ser segundo xa que se me dan mal as saídas. Arrancada xa a carreira e tras o paso da primeira volta íamos situados no segundo posto polo que ao ver que íamos ter opcións de podio xa me tomei a carreira máis enserio e empezar a apertar dende as primeiras voltas para recortar distancias cos primeiros. Ao remate da cuarta volta estábamos situados na primeira posición e durante toda a carreira estivémonos alternando as posición nunha bonita batalla. 

A última hora fíxoseme eterna, as pernas xa comezaban a notar cansancio e os ritmo subían pero seguiamos loitando por ese primeiro posto. A derrareira volta tocoume dala a min e tras ver que practicamente era imposible reducir a vantaxe que nos levaban había que conformarse coa segunda posición. 

O final posto 2º de 14 e 2º da categoría con un tempo total de 3:09:16 o que equivale un ritmo de 3:46 min/km. Pola miña parte tocáronme dar 8 voltas que veñen sendo sobre uns 21km. Os obxectivos cumpridos, desfrutei moito da carreira xa que este tipo de proba e bastante entretido, fixen un gran adestramento rodando a ritmos de 3:49 de media, non tiven molestias no tibial polo que parece que xa estou recuperado e podo volver aos adestramentos e subindo ao segundo caixón do podio. 

Resumindo, carreira moi recomendada na que se desfruta moito e pos aproba a túa resistencia física durante as 3 horas de carreira e ben organizada poñéndolle un pero as duchas que só se podía ir ata as 20:00h sendo a mesma hora a entrega de premios e rematando de correr 20 minutos antes, polo demais ben!