Hoxe tocou desprazarse ata A Estrada onde se celebraba o IV Cross Río Liñares, primeira vez que disputaba esta proba. O obxectivo unicamente era coller ritmo para o Domingo xa que intentaría conseguir MMP e ver no estado que me atopaba despois de que nas dúas últimas carreira me dera flato e arruinara as miñas opcións de facer marca.

Unha vez que conseguín chegar a praia fluvial de Liñares, que por certo moi bonito sitio, xa se sentía un gran ambiente de atletismo aínda que eramos poucos atletas, ademais o tempo acompañaba a disfrutar do atletismo.

Tras xuntarme coa xente do equipo, sacar a foto de grupo e saudar os amigos tocou quentar ben porque tiña algunha molestia no tendón de Aquiles, supoño que por falta de adestramento e estirar mal.

Unha vez colocado na parte de atrás da saída porque como xa dixen a intención era comprobar sensacións para Domingo, empezou a carreira, tres voltas a un circuíto de 3km no que te atopabas de todo: “monte”, camiños de terra, pequenos tramos de subida e baixada, tramos de herba, asfalto e incluso uns metros de area. A primeira volta fun tranquilo para ver as sensacións que tiña e de momento non me aparecera nin flato nin molestias no tendón de Aquiles polo que na segunda volta empecei a apertar un pouco e a pasar corredores, seguía indo ben sen ningún tipo de molestia e para a última volta fun máis rápido, posiblemente máis forte do que debería pero as sensacións eran boas e acabei contento co resultado obtido.

O final posto 21º de 85 e 7º na categoría con un tempo de 35:27 e un ritmo de 3:56.

A carreira a pesar de ser 3 voltas e a min non me gustar as carreiras por voltas esta está moi ben e entretida, non sei porque se anota tan pouca xente a esta carreira... para o ano seguro que estarei alí.
En canto as sensacións propias, moi boas indo de menos a máis e acadando bo ritmo para mañá. O peor e que agora ao arrefriar estame molestando moito o tendón de Aquiles e non sei se estarei en condicións para mañá, esperemos que sí.