Tras ler a crónica do 2015 e recordar como era esta proba, vou cos obxectivos de:

Unha vez chego a Carreira (Riveira), vou recoller o dorsal, e como aínda faltaba tempo para poñerse a quecer, vou ver a carreiras das categorías inferiores e saudar a compañeiros das carreiras que cada vez son máis.

Chegado o momento póñome a quecer e parecía que as maniotas non ían ser problema pois de momento non sentía ningunha molestia, algo que me sentou como máis motivación para intentar chegar ao podio e antes de colocarnos na saída, sacamos unha foto da representación do equipo.

Dáse a saída e intento tirar para seguir o ritmo dos favoritos pero xa me comezan a pasar algúns corredores e intento seguilos (as saídas non son o meu forte) para non perder moito tempo mentres atopo ritmo de competición.

Así foi pasados 1 ou 2 km's comezo a gañar postos pouco a pouco e como por diante non ía moita xente levaba a conta no posto que ía.


Todo foi ben ata cerca do km 4 onde tras pasar pola casa dunha señora que nos refrescaba cunha mangueira, nos metíamos polo medio dunhas casas, eu ía perseguindo a outro corredor e nun cruce nos metemos polo camiño que non era ata que nos damos de conta que por aí non debía ser xa que por diante non se vía a ninguén e por detrás tampouco viña nadie, damos a volta e seguimos polo percorrido correcto, fomos 4 os que nos equivocamos. Tranquilamente perdimos un minuto pero son cousas das carreiras.

Unha vez enganchamos de novo a carreira, vin ao lonxe o lugar que levaba antes de perderme polo que tocou remontar e comecei a tirar como se me estivera xogando a vitoria, ritmo forte e constante, pouco a pouco fun gañando posicións, Da frustración que levaba, xa que polas miñas contas antes de perderme ía 8º,  collín auga no avituallamento, normalmente nunca collo, para botala por encima e refrescarme xa que co esforzo que estaba a realizar comecei a suar bastante e iso que non facía moita calor.

Nos últimos 3 km comezo a adiantar aos corredores que ían detrás miña antes de perderme e que me preguntan que me pasara que ía diante deles, tras dicirlle o que pasara danme ánimos a seguir tirando e así fago a falta de 2 km volvo estar no posto que ía antes de perderme pero xa ía destrozado, case sen forzas e quedaba o peor da carreira, o último km que era todo subindo.

Ese último km fíxose eterno e perdo dous postos xa que era incapaz de seguilos, as pernas xa non respondían e comezaba a sentir como se me fora dar un tirón nos isquios polo que decido non forzar máis e controlar a posición aínda así, teño que sprintar un pouco xa que unha última mirada atrás vin como se me estaban acercando e houbo que apertar un pouco para conservar posición e acabar frustrado por perderme ata que miña nai me dixo o posto no que cheguei xa que igualei o resultado de fai dous anos.

O resultado final foi:

• Posición xeral: 10º de 106.
• Posición categoría: 2º 🏆
• Tempo: 38:45 min.
• Ritmo: 3:53 min/km

Para rematar, tras a entrega de trofeos e mentres facían sorteos de material deportivo, estaban repartindo paella a todos os asistentes, algo que nunca vira e que me sorprendeu.

🏆 Clasificación xeral homes 🏆

1. Jose Lojo ................................... 34:32
2. Saúl Zúñiga Rodríguez ............. 36:09
3. Ernesto Buceta Pouso ............... 36:15

🏆 Clasificación xeral mulleres 🏆

1. Elena Matalobos Redondo ........ 43:40
2. Paula Seoane Fernández ........... 46:39
3. Montserrat Silva Fernández ...... 48:06

PD: Clasificación completa. Fotos cortesía de Veciños de Carreira e Lisardo Vilar Fotografía. Moitas gracias.