XIV Carreira Popular da Amaia

Tocou desprazarse ata Brión para disputar a XIV Carreira Popular da Amaia, onde os obxectivos serán comprobar se o ritmo obtido na Carreira de Lalín se mantén e desfrutar da carreira xa que vai ser a primeira vez que participo e non sei o que me vou atopar. 
Unha vez chegamos, recollín o dorsal e puxémonos a quecer un pouco. Todos me dixeran que a carreira estaba ben e que tiña algunha costa. Coloqueime practicamente adiante de todo para saír rápido e marcar un bo ritmo dende o comezo. Tras darse a saída, que eran uns 400 metros aprox. costa abaixo, arranco ben gañando algunha posición ata que a iso de 200 metros, quedo sen poder avanzar porque non dou meterme por ningún lado para poder seguir avanzando.


Tras a baixada veu un pequeno tramo chan onde puiden atopar espacios e seguir gañando posicións ata que se empezou a subir e houbo que cambiar de ritmo.


Subín a un ritmo constante porque non vía o final da costa que me permitiu avanzar postos pero ao non saber o largo que ía ser esa subida seguín tirando mantendo o ritmo, esa costa era eterna, chegando case a final da pendente recordo que había que xirar a esquerda e pensei para min "se nese xiro se segue subindo o vou pasar moi mal", afortunadamente aí remataba a pendente e estaba o avituallamento con auga para quen quixera ou lle fixera falta, eu non collín como é habitual e comezabamos a baixar e a relaxar un pouco as pernas. A partir de aí practicamente conservei o posto levando un bo ritmo.


A iso de 2 km para o final decido incrementar un pouco máis o ritmo polo que me vou acercando a corredores que levo por diante e que vou pasando, non sabía que no último km había outra costa e que fai que comece a faltarme forzas para chegar, sabía que tiña a un dos corredores que adiantei pegado a min e non podía afrouxar aínda así pensei que maña é outro día onde tiña que competir de novo e antes de entrar na carballeira onde estaba a meta xa tiña decidido que non ía disputar a posición. 


Chegando a carballeira vou chocando a man cos rapaces que estaban alí, sinto ao corredor que viña por detrás incrementar o ritmo para adiantarme e eu que tiña decidido non sprintar, subo levemente o ritmo, máis que nada para poñerllo un pouco difícil pero consegue adiantarme, mentres eu seguía ao meu, chocando a man aos rapaces para entrar en meta. Unha vez cruzada a meta doulle a man ao corredor que me adiantara nos metros finais e onde me quedei sorprendido xa que me pediu perdón por adiantarme. 
O final acadei o posto 22° de 191 e 7° da categoría con un tempo de 28:55 que equivale a un ritmo de 3:37 min/km. Os obxectivos cumpridos xa que desfrutei moito pero que tamén sufrín porque non contaba con que fora tan dura a carreira, o ritmo ao final un pouco peor que en Lalín pero por debaixo do que estaba facendo ata agora polo que moi contento xa que a carreira tiña moita subida que fai empeorar ese ritmo. 
En canto a carreira dura, foi un constante sube e baixa que che vai deixando as pernas desfeitas e máis se non sabes como é a carreira pero seguro que volverei na próxima edición se todo vai ben.

 Clasificación xeral homes:
  1. Manuel Angel Penas Blanco ........... 24:15
  2. Hassan Lekhili ................................. 24:51
  3. Victor Riobo Villanueva .................. 25:19
Clasificación xeral mulleres:
  1. Paula Mayobre Gonzalez ....................... 28:11
  2. Rocio Alvite Ferreiro ............................. 29:35
  3. Raquel Suarez Pedrosa .......................... 30:16
PD: Fotos cortesía de VERunners e Concello de Brión. Grazas!!

  • #
  • #
  • #

    • Comparte esta historia

    Tamén che pode gustar:

    0 comments

    Sígueme
    ¡Contacta!