IV Carreira Carneiro ó Espeto

Despois de correr onte en Boiro, hoxe despraceime ata Moraña, para participar na IV Carreira Carneiro ó Espeto sobre unha distancia de 10 km. O obxectivo será o mesmo que en Boiro, desfrutar, porque tamén me estreo nesta proba e non sei o que me vou atopar, intentarase ir rápido dende o principio para ver como asumen as pernas as dúas carreiras seguidas. 
Unha vez que cheguei, xa fun recoller o dorsal e por primeira vez equivócome ao pedilo pero nada que non quede nunha anécdota.



Xa co dorsal como aínda quedaba tempo para poñerse a quecer, fun ver como estaban a facer un carneiro ó espeto e de paso sácome unha foto con el, xa que era a primeira vez que vía como se facía.


Chegou o tempo de poñerse a quecer, noteime algo cargado da carreira de onte pero pouco a pouco parecía que ía estando mellor. Cando tocaba ir para a saída houbo que sacar a foto cos integrantes do equipo que hoxe estaban alí e con Jesús Bernal que unha lesión o ten apartado das carreira e da que espero que se recupera o antes posible para poder seguir dando zapatilla. 
Na foto posando co cartel do I Triatlón Súper Sprint Popular Playa de Aguete que se celebra o Domingo 7 de Agosto, do cal o club é un dos colaboradores.



Tras a foto colocámonos para a saída, funme bastante cara adiante para poder saír ben dende o principio e poder coller ritmo rápido. Despois de gardarse un minuto de silencio, deuse a saída da proba con Fernando Alarza mandando dende o inicio.


Arranquei ben, gañando algunha posición pero reservando xa que sabía que se me ía facer larga pola carreira de onte e pola calor que estaba a facer. Como tiñamos que dar dúas voltas ao circuíto a primeira ía tomalo con algo máis de calma para saber que me ía atopar.


Na primeira volta gañei moitas posicións e tras ver como era o circuíto decidín manter o ritmo sabendo que tiña que gardar algo para o final porque había unha subida que non tiña moita pendente pero que era moi larga e podíame facer perder posicións. Aparte o circuíto era moi rompe-pernas xa que era un constante sube e baixa, que sumado ao calor facíase duro.


Pasamos polo posto de avituallamento 5 veces para poder coller auga durante a carreira e despois de moito tempo tiven que coller auga na 4ª vez que pasei por alí porque xa me estaba chegando a calor e o suor comezaba a metérseme nos ollos, polo que tiven que pillar auga e botala por encima xa que non son moito de beber durante a carreira. Cando só restaban 2 km para a meta as pernas comezaron a dicir basta e tiven que baixar o ritmo porque pola cabeza xa comezaba a rondar a idea de poñerse a andar. Despois de pasar a subida larga só quedaba baixar e volver a subir, polo que intento baixar rápido para gañar distancia cos perseguidores e poder subir máis tranquilo e así foi, practicamente entrei a trote vendo que por detrás non me ía pasar nadie.


O final posto 31º de 169 e 6º da categoría, con un tempo de 39:08 min que equivale a un ritmo de 3:54 min/km. Os obxectivos ao final cumpridos a pesar de que os últimos 1,5 km fun desexando acabar xa que non podía máis pero algo normal despois da carreira de onte.


En canto a carreira resultoume dura, un constante sube e baixa e cando había rectas onde poder estar máis tranquilo daba o sol e o aire pero pola organización perfecta, avituallamento durante a carreira sempre que pasabas por alí e outro final con froita, barritas, auga... moi recomendable a carreira seguro que estarei en futuras edicións intentando mellorar o tempo.

Clasificación xeral homes:
  1. Fernando Alarza Vicente ........................ 30:33
  2. Akka Essaadaoui .................................... 32:48
  3. Amadeo Abal Chaves ............................. 33:55
Clasificación xeral mulleres:
  1. Paula Mayobre Gonzalez ...................... 36:02
  2. Rocio Alvite Ferreiro ............................ 37:41
  3. Edymar Daniely Brea Abreu ................. 37:56
PD: Fotos cortesía de Jesús Bernal e Atletismo +9 Moraña. Grazas!!

  • #
  • #
  • #

    • Comparte esta historia

    Tamén che pode gustar:

    0 comments

    Sígueme
    ¡Contacta!