XIV Carreira do Demo

Tras unhas semanas de adestramento para outra proba e desconectando un pouco das carreiras, regreso 5 anos despois a esta proba, a Carreira do Demo proba dura e moi rompe pernas cunha distancia de 6,66 Km e de aí o seu nome que se celebra en Artes no Concello de Ribeira.

Os obxectivos serían:

  1. Intentar mellorar o tempo que tiña nesta proba que era de 24' 50'' do ano 2017.
  2. Seguir coa racha de podio, xa que as dúas veces que participei acabei nel.

🏆 O MEU RESULTADO 🏆
  • Posto xeral: 7º de 108.
  • Posto categoría: 2º
  • Tempo: 23' 48'' min.
  • Ritmo: 3:37 min/km
🏁 PERCORRIDO 🏁

O percorrido duro e rompe pernas saímos baixando levemente pero a escasos metros xa subida duns 600m. Dende aí zona moi rápida con terreo favorable ata o Km 2. Agora tocaría subida constante ata o Km 4,7 onde ven unha forte baixada duns 200m e volta a subir xa ata o Km 5,5 onde xa só queda unha forte baixada antes de encarar os últimos 800m con terreo máis favorable e chegar a meta en leve subida. Cunha distancia polo reloxo de 6,6 Km. 

✅ PUNTOS POSITIVOS ✅ 
  • Boa información da carreira.
  • Inchables para os cativos.
  • Zona para aparcar ata completar o aforo.
  • Servizo de gardarroupas.
  • Marcaxe do percorrido con frechas no chan.
  • Voluntarios nos cruces.
  • 1 avituallamento intermedio líquido.
  • Avituallamento final completo con auga, froita e bocadillos.
  • Duchas ao carón da meta.
  • Medallas para os 30 primeiros (Ouro - top10, Prata - top20 e Bronce - top30)
  • Sorteos entre os participantes.
❌ PUNTOS A MELLORAR ❌
  • Os premios que eran acumulativos (algo do que non estou a favor persoalmente).
  • Igual cambiar o horario da proba para que sexa un pouco máis cedo xa que en Agosto as 11:00h da mañá o sol xa quenta con ganas.
🏆 Clasificación xeral homes 🏆
  1. Hugo García Souto ... 20' 41''
  2. Juan A. Gude Vila ... 21' 56''
  3. Alejandro Pesado Fernández ... 22' 33''
🏆 Clasificación xeral mulleres 🏆
  1. Constantina Künzle ... 26' 07''
  2. Carol Santos Villalón ... 27' 03''
  3. Sabela Pensado Parada ... 27' 32''
Pd.: Clasificación completa. Moitas grazas por pasarte e vémonos nas carreiras. ✌️

  • #
  • #
  • #

    • Comparte esta historia

    Tamén che pode gustar:

    0 comments

    Sígueme
    ¡Contacta!