X CorreSan - Nocturna Cidade Vella

Aínda que este ano non estea competindo no Circuíto CorreSan, esta é unha das probas a que non se pode faltar pola experiencia de correr polo casco vello de Santiago de noite. Cun percorrido de dúas voltas ata completar unha distancia de 5Km percorrendo a Zona Vella e a Alameda. Este ano a diferencia da última vez que participei, irei sen a cámara xa que por experiencia sei que non se vai ver nada.

O obxectivo sería:

  • Apertar e recordar a sensación de competir sen a cámara.
 🏃 A CARREIRA 🏃


Coloqueime bastante adiante para saír dende o principio con bo ritmo e así foi, aínda que con algo de precaución para non tropezar e irme ao chan. Rápido me poño a rodar nun ritmo moi competitivo xa que ese primeiro km saíume en 3:33'/km cunha primeira parte subindo e o resto moi favorable. Ía coa primeira das mulleres e como estaba indo moi rápido intento aguantar ese ritmo. Así foi toda esa primeira volta onde me atopei bastante ben de sensacións.


A segunda volta xa non foi o mesmo conto. Tras pasar polo zona de saída e comezar o primeiro tramo subindo xa me custou bastante aguantar o ritmo que levaba e perdendo o grupo no que ía. Intentei recuperar na zona favorable pero xa non era capaz e os ritmos xa se estaban indo aos 3:45'/km. Xa dende a Alameda o traballo estaba feito e aínda que consigo gañar un posto, volvo a perdelo na recta de meta pero para min non cambiaba nada xa que non puntuaba para o circuíto e premio non ía conseguir.


🏆 O MEU RESULTADO 🏆
  • Posto xeral: 23º de 370.
  • Posto categoría: 6º
  • Tempo: 19' 43'' min.
  • Ritmo: 3:41 min/km
🏁 PERCORRIDO 🏁

O percorrido a dúas voltas con saída dende a Praza do Obradoiro, subida cara o Mosteiro de San Martín Pinario e Praza de Cervantes. Dende aí zona moi favorable baixando cara a Alameda. Xa na Alameda facemos un ida e volta que en principio non había que facer e seguimos para dar toda a volta ao parque (hai que mellorar a iluminación do parque...). Saímos da Alameda de nova cara a zona vella e leve subida pola Rúa do Vilar. Rematada esta rúa baixada para chegar de novo a Praza do Obradoiro e facer a segunda volta.

✅ PUNTOS POSITIVOS ✅ 
  • A localización da proba sobre todo pola zona vella.
  • Recollida de dorsais o mesmo día en dous puntos, primeiro nun centro comercial e logo na zona de saída.
  • Avituallamento final con froita e auga.
  • Duchas a 800 metros.
❌ PUNTOS A MELLORAR ❌
  • Erro na marcaxe do percorrido xa que fixemos un ida e volta na Alameda que non estaba anunciado e en vez de 5K saíron case 5,5K.
  • Poñer un servizo de gardarroupas creo que sería moi útil.
🏆 Clasificación xeral homes 🏆
  1. Roberto Trigo Lores ... 17' 38''
  2. Yago I. García Sainz ... 17' 43''
  3. Amador Pena Torreira ... 17' 49''
🏆 Clasificación xeral mulleres 🏆
  1. Zoé Cardín ... 19' 30''
  2. Ainoa Gontán Iglesias ... 20' 06''
  3. Tere Parrado ... 21' 54''
Pd.: Clasificación completa. Moitas grazas por pasarte e vémonos nas carreiras. ✌️

  • #
  • #
  • #

    • Comparte esta historia

    Tamén che pode gustar:

    0 comments

    Sígueme
    ¡Contacta!