XLII Carreira Popular de Negreira
- novembro 05, 2023
- Por: IglesiasAmores
- 0 Comentarios
Tocou regresar a Carreira Popular de Negreira despois de 5 anos sen ir xa que o ano pasado si que estaba inscrito para ir pero fun baixa por enfermidade. Cun de percorrido homologado ao que tería que dar dúas voltas para completar unha distancia de 10Km.
O obxectivo sería:
- Intentar mellorar o mellor tempo que teño na distancia de 35:50 min. acadados no 2018 senón pois baixar dos 37:00 min. sería suficiente.
🏆 O MEU RESULTADO 🏆
- Posto xeral: 52º de 327.
- Posto categoría: 15º
- Tempo: 37:58 min.
- Ritmo: 3:45 min/km
O obxectivo non conseguido, arranquei con ganas pese a non atoparme con boas sensacións pasando os primeiros 5Km en 18:37 min. Despois na segunda volta xa fun en decadencia e os ritmos xa non saían facendo esta volta en 19:21 min. Así foi como me quedei a 58 segundos de baixar dos 37 minutos e moi lonxe do meu mellor tempo.
🏁 PERCORRIDO 🏁
O percorrido duro para ser unha distancia homologada, saída con tendencia a ir subindo ata o Km 1,5, logo tramo rápido en baixada ata chegar ao polígono. Aí damos a volta cun xiro que che rompe o ritmo e poñemos rumbo de novo ao centro de Negreira que para chegar temos unha nova subida. Rematada esa subida xa polo centro de Negreira ata meta zona moi rápida e a comezar coa segunda volta.
✅ PUNTOS POSITIVOS ✅
- Boa información de carreira.
- Opción de participar en 5K ou 10K ambos homologados.
- Recollida de dorsais os día anterior ou o mesmo día.
- Servizo de gardarroupas.
- Caixóns de saída por tempo.
- Globos de tempo obxectivo.
- Voluntarios ao longo do percorrido.
- Avituallamento intermedio nas dúas voltas.
- Avituallamento final completo.
- Zona de fisioterapia.
- Agasallo dunha bolsa e dunha camiseta.
❌ PUNTOS A MELLORAR ❌
- O que dixen do percorrido que é bastante duro para ser homologado e buscar un gran tempo.
- Duchas lonxe xa que estaban nun polideportivo sobre o Km 2 do percorrido.
🏆 Clasificación xeral homes 🏆
- Wanjiru Peter Kariuki ... 29:26
- Mohamed el Ghazouany ... 29:49
- Abderrahim Ougra ... 30:21
🏆 Clasificación xeral mulleres 🏆
- Maurine Toroitich ... 33:52
- Nouhaila el Gazouir ... 35:00
- Kaoutar Boulaid ... 35:51
0 comments