Tocou regresar a unha proba que me gusta moito facer, non sei o motivo pero a Sin-Son 10K ten algo especial. De feito esta é a miña 8ª participación nesta proba. O percorrido en liña con saída en Portosín e chegada en Porto do Son con un perfil de constantes subidas e baixadas. Como novidade este ano cando te inscribías dábanche a opción de correr un 5K gratis o día anterior que é cando organizan as carreiras de menores e fan a feira do corredor pero no meu caso cos 10K xa me chegaban.

O obxectivo sería:

Arranquei ben pero aos poucos metros empecei a perder moitos postos, pasábanme por todos lados seguramente me puxera demasiado adiante... pero pouco a pouco fun collendo ritmo e a comezar a remontar aínda que había zonas nas que non era fácil porque o vento penalizábame moito e case non me deixaba avanzar. Así foi durante todo o tramo por Portosín onde tiñamos que dar un volta pola zona do porto ata o Km 3 onde xa poñemos rumbo a Porto do Son pasando ao carón dunha praia que se fixo difícil porque o aire levantaba a area e era molesto. 

Xa no Km 3,6 aprox. collemos a estrada xeral e comezamos o sube e baixa característico desta proba co gran inconveniente deste ano, o vento viña todo de cara e cando me pillaba un refacho practicamente me deixaba parado que foi o que me pasou nunha subida ao pasar o Km 4, refacho forte que me freou de todo e o grupo que viña por detrás adiantoume fácil mentres eu pelexaba co vento. Tiña que haber levado unhas pesas ou correr cunhas pedras para que non me levase o vento. 

Esta foi a dinámica durante toda a carreira unha pelexa constante por intentar manter un ritmo competitivo e vencer o forte vento que estaba facendo. Así chego ao paso do control do Km 5 nun tempo de 19:40 min. que supoñían un ritmo de 3:56 min.

Continuamos subindo e baixando mentres pola cabeza xa ía pensando na longa subida que comezaba no Km 7 pero antes pasamos polo avituallamento intermedio que estaba situado no Km 6,1 aprox. no cal como é habitual non collín nada.

Foto: Kiko Agraso Dios

Seguimos e cheguei a subida do Km 7 a última subida que hai ata meta e seguramente a máis dura é longa desta proba xa que estamos subindo preto de 1Km aí din todo o que tiña e sorprendinme o ben que fun subindo en comparación cos corredores que me ían acompañando e no que gañei algún posto. Por sorte neste tramo non me tocou que fixera moito vento e puiden correr ben.

Remata a subida Km 8 xa quedaba deixarse levar ata meta e con terreo favorable o ritmo foi moi bo e como ata ese momento fora máis tranquilo puiden ir rápido nestes dous últimos km's gañando máis postos e chegar así a meta onde xa me deixei levar sen importarme o resultado e o tempo porque non era día para mellorar.

O resultado final foi:

En canto a carreira o esperado xa que non notei nada en falta, moi boa organización, autobuses de ida ou de volta, servizo de gardarroupas, voluntarios en todos os cruces cortando o tráfico, avituallamento intermedio con auga, avituallamento final completo con auga, froita,  iogur de beber e barrita enerxética ademais de rosca e chocolate quente. Das duchas non podo falar porque non fixen uso delas pero supoño que estaban no mesmo sitio que sempre é están algo lonxe. Este ano tiñamos regalo sorpresa e antes de recoller o avituallamento final había un posto para a concienciación contra a violencia de xénero e estaban regalando sombreiros. Coa recollida de dorsais que podías recoller os días antes, na feira do corredor ou o propio día da carreira viña unha camiseta técnica nunha bolsa gymsack.

🏆 Resultado xeral homes 🏆