Coma sempre, cheguei cedo. Fun recoller o dorsal onde xa había amigos das carreiras por alí. Volvín para o coche acabar de cambiarme mentres daba un paseo por aí facendo tempo. Chegada a hora comecei o quecemento para espertar as pernas e cando somos chamados por megafonía acerqueime ata a liña de saída onde non tiña moi claro onde situarme. Quería apertar pero non sabía se ía estar forte e como tampouco coñecía o percorrido preferín retrasarme un pouco e xa se iría vendo como era o percorrido. Así tras un disparo ao aire, arrancou a proba.

Arranquei con precaución para non tropezar con ninguén ata que aos poucos metros xa se vai estirando o grupo de corredores e xa se pode comezar a marcar o ritmo e a gañar postos. A proba comezaba con unha leve subida e logo íamos baixar xa que no fondo desa rúa había que dar volta e volver polo outro lado. Dende aí, todo favorable con algunha baixada forte que nese momento xa me fixei que na estrada había frechas pintadas en ambas dirección polo que esa baixada dura logo ía ser todo subir...

O obxectivo máis que cumprido aínda que tocou sufrir na segunda volta non me esperaba para nada chegar ao podio por categoría xa que nesta proba había diñeiro por quedar no podio incluso nas categorías. Gañei 10€ pero menos é nada... e o trofeo moi chulo en madeira.

🏆 Clasificación xeral mulleres 🏆