Coma sempre cheguei cedo para poder estacionar máis comodamente. Tras recoller o dorsal volvín para o coche a esperar a que chegase a hora de cambiarse e poñerse a quecer xa que estaba a facer bastante frío. Cando restaban 40 min. para o comezo da proba, empezo a cambiarme para ter tempo de quecer ben. Durante o quecemento deu tempo a sacar unha foto con parte dos integrantes do equipo que tamén ían disputar a proba.

Adentrámonos no Paseo do Pontiñas aos 500m do comezo da proba e a area/zahorra do chan despois de tantos días de chuvia estaba feita en algúns puntos un barrizal e coas zapas de asfalto parecía unha pista de patinaxe. Isto fixo que o ritmo cambiase e estivese máis atento a intentar non caer que a seguir co ritmo que estaba impoñendo. 

Foto: Fernando Alva

Así foi a proba ata o xiro e punto de control do Km 3,3 xa que a partir de aí o terreo xa estaba mellor. Nese punto marquei un tempo de 12:06 min. que supoñía un ritmo de 3:40 min/km e pasei no posto 51º.

A partir do punto de control comecei a sentirme un pouco mellor xa que só ía centrado en correr e non en mirar onde pisaba. Isto fixo que pouco a pouco fose recuperando algún posto. O ritmo non era moito mellor xa que íamos con tendencia a subir aínda que non se notaba moito. Comparado con outros anos o tramo do paseo pasóuseme rápido e cando me din de conta xa estamos na última subida dura do paseo, Km 5,8.

No Km 6,5 aprox. debeu ser onde o ano pasado se perdeu algún dos corredores porque este ano esta cheo de cintas marcando o camiño a seguir polo que era imposible perderse... Seguimos percorrendo o último tramo do paseo que vai máis polo pobo ata chegar ao Auditorio, Km 7,7. A partir de aí tocaba asfalto e a afrontar as últimas subidas, nestas subidas perdo algún posto, xa non tiña pernas para moito máis. Intento engancharme ao corredor que levaba por adiante para non perder mais postos, algo que consigo e así rematamos as subidas sobre o Km 8,8.

Foto: Atletismo Deza

Todo o que restaba de carreira era baixar, intento forzar para recuperar algún posto aínda que baixando xa é mais complicado porque imos todos por inercia pero xa chegando a meta recupero un posto e remato a proba non moi contento polo tempo acadado.

O resultado final foi:

O obxectivo non se conseguiu pero agora mesmo non hai moito mais nas pernas, toca adestrar máis e gañar todo o perdido esperando que gripes e irritacións de garganta me deixen tranquilo. Quedei sorprendido co posto acadado xa que non foi tan malo como pensaba.

En canto a proba, día complicado para facer un bo tempo polas condicións nas que estaba o paseo do Pontiñas nos primeiros Km's, mellor sinalización, avituallamento intermedio liquido e final liquido e sólido, bolsa do corredor con camiseta e alimento sólido. Outra cousa que regresou foron as duchas. Para min sígueme gustando máis coa saída e meta no centro do pobo aínda que dende esta nova ubicación quedan as duchas máis preto.

🏆 Clasificación xeral homes 🏆