Cheguei a Pontecesures cedo, xa que fixeron un chamamento para ir con tempo e poder facilitarlle o traballo a hora de repartir os dorsais. Nese punto non teño problema porque sempre intento ir con tempo para poder aparcar con maior facilidade e evitar imprevistos.

Tras recoller o dorsal, fun con meus pais a unha cafetería porque fóra non se aguantaba co frío. Cando restaban uns 20 min. para o inicio da proba, funme cambiar e rapidamente a correr porque ía quedar conxelado. Cando estaba trotando polo sol, íase ben pero a sombra o frío era intenso.

Chegada a hora achegueime a liña de saída onde non me quixen colocar moi adiante porque como a saída dos corredores que ían facer 4Km e 8Km era conxunta, preferín darlle espazo aos que ían facer só 4 Km para non verme forzado a un ritmo que despois non ía dar aguantado.

Con algún atraso, supoño que cerrando as rúas que íamos percorrer, e con unha conta atrás arrancou a proba.

Arranquei con bastantes atrancos e sen atopar moito sitio por onde poder a comezar a gañar postos. Polo que empecei a buscar as zonas exteriores para poder comezar a marcar o meu ritmo, así, tras dous xiros e co pelotón xa estirándose fun polo lado exterior aínda que tivera que facer máis metros pero comecei a gañar moitos postos.

Así no paso polo Km 1 marco un ritmo de 3:32 min/km, nada mal para os problemas na saída que tiven. O trazado de momento era chan pero no Km 1,2 comezamos a subir cara o campo de fútbol, con algunha zona onde a pendente era realmente dura. Tras subir o terreo xa era todo favorable, primeiro cunha baixada logo zonas chans aínda que había un falso llano onde parecía que picaba un pouco cara arriba pero permitía seguir indo rápido. Así fago o paso por meta Km 3,9 con un tempo de 14:01 min. sen chegar ao km 4 polo que o percorrido lle faltaban uns metros.

Comezando a segunda volta xa sabía quenes eran os rivais que quedaban por adiante polo que ía forzando para seguir gañando postos. Así conseguín gañar uns cuantos postos máis ata que estiven durante preto de 2 Km intentando chegar ao correr de adiante. Dábame a impresión de que era da mesma categoría ca min polo que estaba forzando moito para chegar a súa altura. Consigo alcanzalo na longa recta final onde o adianto pero nos metros finais tras un disputado sprint consígueme adiantar de todas formas cheguei moi satisfeito coa carreira que acababa de facer. Así remato a proba facendo a segunda volta en 13:39 min., 22 seg. máis rápido que na primeira volta.

O resultado final foi:

🏆 Clasificación xeral homes 🏆