Cheguei ben de tempo, para recoller con tranquilidade o dorsal, saudar aos compañeiros de carreira que ían participar, acabar de cambiarse e antes de poñerse a quecer, sacar unha foto con meu pai que tamén ía correr a que sería a súa segunda proba.

Tras sacar a foto, puxémonos a quecer, mentres lle ensinaba un pouco o percorrido a meu pai. Un trote suave duns 10 min. para entrar en calor e xa cara a zona de saída a esperar o comezo da proba.

Coloqueime na zona dianteira, nunha segunda fila, non eramos moitos e ía intentar forzar un pouco ao comezo para comprobar ben no estado físico que me atopaba. Tras o lanzamento dunha bomba deu inicio a proba.

Arranquei forte intentando seguir ao grupo de cabeza pero era moito ritmo para min e pouco a pouco voume quedando descolgado pero mantendo un bo ritmo. Os primeiros 500 metros eran de falso llano onde ían picando cara arriba, logo 500 metros cara abaixo e volvemos a pasar pola saída. 

Tras pasar o primeiro km, por diante xa levaba aos corredores con unha boa vantaxe pero había que seguir tirando porque por detrás estaban preto. Dende que pasamos pola saída ata o km 2 era todo terreo favorable e os ritmos eran bastantes bos pero a partir de aí comezou a subida.

Durante uns 2,5 km estivemos subindo constantemente con algunha subida mais dura que outra pero onde se notou a miña falta de adestramento xa que perdín un par de postos sin ser capaz de aguantar o ritmo dos corredores que me adiantaban. Un deles animoume a seguir con el pero si apertaba un pouco máis igual tiña que pedir un pulmón máis.

Chegamos ao km 4,5 onde estaba situado o avituallamento do cal como fago normalmente paso e sigo centrado na carreira, igual tiña que haber collido unha botella para tirarme a auga por encima porque o suor estábame molestando un pouco pero como xa quedaba pouco preferín seguir tirando.

Tras o avituallamento veu un pequeno descanso en forma de baixada para recuperar un pouco o alento pero pouco ía durar xa que posiblemente quedaba a peor das subidas e iso que só foron uns 100 metros aprox. dende o cruceiro ata cruzar a autoestrada, nese punto pensei en botar a andar, xa ía no limite e comecei a notar as pernas cargadas. Dende aí xa empecei a mirar cara atrás para controlar o posto.

Por sorte, rematada esa subida era todo terreo favorable e puiden volver a manter un bo ritmo que me permitiu chegar a meta conservando o posto. 

O resultado final foi:

1. Sergio Sanchez Martínez ... 20:22
2. Nuno Costa ............................. 21:06
3. Juan A. Gude Vila ................. 21:51

PD: Clasificación completa.