Tocou facerse internacional. De paso que estaba en Panamá visitando a familia houbo tempo para participar nunha proba popular. Así foi como me inscribín na Carreira Caminata Familiar UIP sobre unha distancia de 5Km, completamente chan pola Cinta Costera.

O obxectivo sería:

Cando faltaban 15 min. para o comezo da proba púxenme a quecer. As sensacións non eran moi boas debido os nervios que tiña. Nada máis empecei a quecer xa comecei a suar e a ter a sensación de que non collía aire suficiente que supoño que sería pola humidade que había.

So restaban 5 min. e voume acercando a zona de saída pero alí non había síntomas de que a proba fora a dar comezo e así foi... tras 15 min. de atraso deu comezo a proba.

Cando estaba quentando vin a uns corredores que tiñan toda a pinta de ser os favoritos polo que nada máis arrancar fun detrás deles. Estaba no certo, aos poucos metros xa marcaban a diferencia e eu intentábaos seguir que, como estabamos ao comezo, non me foi complicado.

A partir do km 1, tres dos corredores xa ían collendo vantaxe, mentres eu ía no grupo perseguidor con dous corredores máis. Así fun os dous primeiros km's a un ritmo bastante forte ao que non estaba acostumado xa que estaba rodando por debaixo de 3:25 min/km.

No cambio de sentido xa tiña unha boa vantaxe co sexto clasificado e intentei seguir tirando así de forte para poder gañar un posto máis e intentar quedar no cuarto lugar pero a falta de adestramento para acondicionarme a humidade e temperatura fixo que pouco a pouco fose perdendo ritmo e vendo como o corredor co que ía pouco a pouco se ía escapando, comecei a centrarme en manter o posto xa que ata o 5º lugar daban premio.

Faltaba un km para meta e tras varias miradas cara atrás e ver que tiña vantaxe suficiente, comecei a ir máis tranquilo para non forzar máis e así cheguei a meta, moi satisfeito co resultado e o rendemento obtido.

O resultado final foi: