Cheguei a Estrada unha hora antes do comezo da proba para recoller o dorsal, quentar e ver o gran ambiente que había. Este ano a uns metros do arco de saída e sobre o percorrido, montaron unha estrutura onde había un grupo tocando.

A falta de 20 min. púxenme a quentar cos compañeiros de equipo cos que estou anotado no circuíto e cando xa só faltaban 5 min. ímonos colocando para a saída. Xa había moitos corredores colocados polo que tiven que ir facéndome sitio para saír máis ou menos onde debería xa que o ano pasado quedeime moi atrasado. 

Tras unha conta atrás deu comezo a proba co xa habitual espectáculo de fogos e animación durante os primeiros metros.

Non saín moi ben, había moitos corredores por diante e era moi fácil tropezar porque puxeron unha luz intermitente moi potente cara os corredores que cegaba un pouco e sumado ao lanzamento de tiras de papel creo que fixeron unha saída un pouco perigosa que por sorte non pasou nada.

Cando se empezou a estirar todo, comecei a marcar un ritmo forte para ir recuperando postos. Estaban indo moi rápido ou iso era a miña sensación pero ía cómodo. Así fun durante toda a primeira volta, gañando posto e centrándome sempre en ir a polo seguinte corredor. No paso pola primeira volta marquei un tempo de 14:35 min. aprox. polo que estaba indo a un ritmo medio de 3:39 min/km e de facer o mesmo tempo na segunda volta iríame ata os 29:10 min. polo que igualaría o tempo obxectivo.

Durante a segunda volta paguei un pouco o esforzo que fixen durante a primeira volta aínda así consigo gañar un posto máis e seguía tirando forte pero xa non ía tan cómodo. Cando xa só faltaban 2 Km para meta empecei a mirar cara atrás porque por adiante non tiña a ninguén. O corredor que tiña por detrás tamén estaba moi lonxe, parecía que estaba só en carreira e comecei a administrar a distancia que tiña sobre o perseguidor e decidín afrouxar un pouco o ritmo para non forzar máis e poder chegar a meta máis relaxado. Como consecuencia deste cambio de plans o obxectivo de intentar mellorar o tempo seguramente non o ía dar conseguido pero preferín asegurar o posto para a clasificación do circuíto.

O resultado final foi:

🏆 Clasificación xeral homes 🏆