Desta vez tocou desprazarse ata Ourense onde se disputaba a XXXIX Edición da Carreira Popular de San Martiño e que transcorría por un circuíto de 10 km. O obxectivo principal será o de mellorar o tempo do ano pasado (39:08) e ver como sigue o pé xa que sigo con molestias. 

Unha vez chegados a Ourense atopei con algúns dos compañeiros de equipo que ían disputar a proba. 

Houbo que quentar ben, xa que a mañá estaba bastante fría e o tempo estaba perfecto para correr. Unha vez colocado no caixón correspondente (impresionaba mirar cara atrás e ver a cerca de 5000 persoas para correr), gardouse un minuto de silencio polas vítimas do atentado en París e unha vez finalizado deuse a saída. 

Os primeiros 2 km dábame a sensación de que ou eu ía moi tranquilo ou o resto da xente comezou moi forte porque me adiantou bastante xente e para min que o ritmo que levaba estaba ben para comezar, polo que aguantei o meu ritmo sen importarme que me pasasen, xa habería tempo para recuperar posicións. 

A partir do km 4 xa comecei a recuperar bastantes posicións e cada vez notábame mellor, tanto en ritmo como en sensacións, así o paso polo control do km 5 marquei un tempo de 18:51 que equivale a un ritmo de 3:47 min/km e ía no posto 192º. A partir de aí apertei un pouco máis o ritmo para seguir gañando posicións e polo control do km 8, último antes da meta, marquei un tempo de 29:38 que equivale a un ritmo de 3:43 min/km e conseguira gañar 20 posicións para colocarme no posto 172º. Os últimos 2 km xa se me fixeron máis largos e aínda que houbo nun momento no que quedei encerrado no grupo que ía, sen poder avanzar por ningún lado o ritmo que levábamos era alto. Xa nos últimos 500 metros había unha forte baixada onde me adiantaron algúns corredores, onde eu non quixen forzar por medo a lesionarme despois cruzando a ponte romana recuperei algunha e tras o xiro para a recta de meta lancei un sprint onde conseguín gañar 2 ou 3 posicións. 

O final posto 170º de 4538 e 52º da categoría con un tempo de 37:03 o que equivale un ritmo de 3:43 min/km. Os obxectivos finalmente cumpridos xa que mellorei en 2:05 minutos o tempo do ano pasado e con moi boas sensacións o único pero é que sigo con esa molestia no pé que nos xiros a esquerda me molesta ao pisar. 

Resumindo carreira dura e moi ben organizada aínda que esperaba algo sólido no avituallamento final pero polo resto todo perfecto.

Fotografías cortesía de tmffoto e Runphotos Galicia