Desta vez tocou desprazarse ata Angrois (Santiago de Compostela), onde se disputaba a segunda proba do circuíto CorreSan a Carreira Ruta da Prata que este ano modificou o circuíto eliminando unha das subidas importante polo que me dixeran. Teríamos que dar dúas voltas ata completar os 5,2 km que ten a carreira. 

O obxectivo tíñao bastante claro acabar o máis adiante posible para así poder ir recortando posicións na clasificación do circuíto e desfrutar das rúas de Angrois que será a primeira vez que corro alí. Unha vez chegamos a zona da carreira e me dispoñía a cambiarme pasoume algo curioso que por primeira vez se me esquece algo na casa que comprometía a miña participación na carreira xa que se me esqueceron os pantalóns para correr, menos mal que o Corte Inglés queda preto e fun rapidamente comprar uns para poder participar. Xa cambiado fun quentar un pouco e fun saudando a compañeiros e amigos que tamén ían correr e que con isto das vacacións e que se participa menos nas carreiras en verán pois xa facía algún tempo que non vía. Cando quedaban dez minutos para a carreira fixeron a primeira chamada para colocarnos na saída e xa fun cara alí para poder poñerme adiante e saír mellor. 

Unha vez se deu a saída os primeiros metros tiven moita precaución xa que lanzaron unha especie de confeti que restaba moita visión e co medo de tropezar tomeino con máis calma. Unha vez pasado ese tramo xa empecei a marcar o meu ritmo aínda que a primeira volta a tomei con algo máis de calma porque me avisaron de que o recorrido era algo duro xa que eran subidas e baixadas e na segunda volta podía pasalo mal. Aínda así na primeira volta marquei un tempo de 9:22 o que suporía un ritmo de 3:36 min/km, bastante rápido pero ata aí atopábame ben sen molestias e pasando a outros corredores. 

A segunda volta xa se me fixo máis longa supoño que ao final apertei moito na primeira e notei algo de cansancio nunha das costa que había e no último km que o tiven que facer practicamente a sprint xa que viñan un grupo de corredores intentando collerme pero que finalmente non o conseguiron. 

O final posto 17º de 375 e 8º da categoría con un tempo de 18:54 o que equivale a un ritmo de 3:38 min/km. Os obxectivos para min cumpridos, xa que desfrutei moito da carreira e o resultado foi bastante bo quedando por diante de xente que levo por diante na clasificación e que espero poder ir recortando postos. 

Resumindo boa carreira, algo dura polas constantes subidas e baixades que ten o circuíto pero moi contento co resultado e coas sensacións que tiven durante a carreira. Agora a seguir adestrando para as próximas carreiras xa que se aproxima o Campionato Galego de 10km ruta.