Desta vez tocou desprazarse ata A Estrada onde se disputaba a IV Nocturna Estradense, sobre un circuíto de dúas voltas para completar unha distancia de 7km.

O obxectivo na carreira sería intentar subir ao podio, xa que me sentía con ganas de facer esta carreira e desfrutar do ambiente que había durante case todo o percorrido con xente animando, xa que son as festas do pobo.

Unha vez chegamos A Estrada, fun recoller o dorsal e nada máis chegar a praza onde os daban, xa me fun atopando cos amigos das carreiras e funos saudando a todos eles, logo dos saúdos e de comprobar o ambiente que había pola Estrada dispúxenme a quecer cos compañeiros do equipo, ata que fomos chamados para colocarnos para comezar coa carreira, tras unha conta atrás, deuse a saída con pirotecnia incluída. Arranquei con precaución nos primeiros metros coma sempre e situeime detrás dos compañeiros de equipo para empezar a coller ritmo. Cando me atopei cómodo polo km 1,5 aproximadamente comecei a tirar forte para ir gañando posicións e acercarme o máis posible aos postos de adiante e así no paso pola primeira volta marquei un tempo de 12:25 minutos aproximadamente polo que ía bastante ben e de pernas tamén me atopaba cómodo así que seguín con ese ritmo e adiantando a máis xente todo foi ben ata o km 5,5 comezando coa única dás subidas “fortes” foi cando me empezaron a fallar as pernas, aínda así seguín mantendo un ritmo alto pero que seguramente algo baixara polo cansancio, fun aguantado o ritmo que levaba pero nos últimos metros non puiden esprintar todo o que me gustaría e perdín un par de posicións, aínda así ao ver o tempo final e a posición quedei máis que satisfeito co resultado.

O final posto 15º de 220 e 9º da categoría, con un tempo de 25:25 o que equivale a un ritmo de 3:36 min/km e con unha boas sensacións ao acabar polo que moi satisfeito co rendemento que acadei nesta carreira. O obxectivo do podio non puido ser pero quédome co rendemento e as sensacións durante a carreira.