Hoxe tocou desprazarse ata Padrón, onde se celebraba a XXXVI Carreira da Pascua cunha distancia de 13,3 km. 

O día acompañaba “máis ou menos” xa que había unha temperatura agradable para correr pero moito aire que posiblemente fixo non baixar moitos tempos e o sol pegaba con ganas. O obxectivo de hoxe sería primeiro facelo o mellor posible para intentar subir ao podio por equipos e despois intentar mellorar a miña marca do ano pasado nesta carreira que é de 53:01. 

Tras recoller o dorsal e ir reuníndonos os do equipo puxémonos a quentar e a poñernos na saída para comezar. Respirábase gran ambiente o que fixo que estivera máis tranquilo para afrontar a carreira. 

Unha vez se deu a saída a iso duns 200 metros tiven un pequeno susto, un cartel de publicidade dunha cafetería estaba na miña traxectoria e non faltou nada para que o levase por diante. 

A partir de aí todo foi mais tranquilo e durante o primer quilómetro buscando sitio para poder marcar o meu ritmo e dándome de conto que non ía ser unha carreira fácil polo vento que facía e a maneira de quentar o sol... 

No paso polo control no km 7,3 aprox. marquei un tempo de 26:10 o que sería un ritmo de 3:35, bastante rápido pero ía cómodo e sen ningún tipo de molestia así que seguín co mesmo ritmo e pasando corredores ata que un quilómetro despois mais ou menos empecei a sentir algunha molestia no estómago e por precaución baixei un pouco o ritmo para ver se me pasaba e quedeime detrás do corredor que levaba diante do Atenas Running Vda aguantando o seu ritmo. 

Dous quilómetros despois xa non tiña molestias pero as pernas xa non eran as do principio e o cansancio xa era notable pola calor e seguín co corredor de antes facéndonos relevos ata que a falta dun quilómetro él empezou a tirar máis forte e me animaba a seguir, eu intenteino pero xa non había forzas e nos últimos 200 metros mirei para atrás e ao ver que non viña ninguén preto baixei o ritmo dando por satisfeito o resultado e unha vez cruzada a meta agradecer ao atleta do Atenas que fora tirando por min para que non me quedara atrás. 

O final acadei a posición 63º e 16º da categoría con un tempo de 51:28 e un ritmo de 3:52 o que suporía baixar o tempo do ano pasado en 1 minuto 33 segundos!!

Aínda así peor posición polo que se nota o alto nivel que hai nas carreiras populares. 

Un dos obxectivos estaba cumprido faltaba saber se conseguíramos o premio por equipos e tras ir comer un pouco polbo, xa que se celebraba a festa da pascua e facíame falta meterlle algo ao corpo que xa eran horas, fun a entrega de premios e finalmente acadamos a 2º posición e tocaba subir ao podio. 

A primeira vez que ía estar alí diante do público pero gustoume moito a sensación dun bo traballo así que haberá que repetir pronto!!