Día de atletismo na capital de Galicia, desta vez tocou desprazarse ata Santiago de Compostela onde se celebraba a II MediaSan do Camiño, unha media maratón que transcorría polo camiño francés do Camiño de Santiago, con saída en Arca (O Pino) ata a Praza do Obradoiro.

O obxectivo vai ser desfrutala xa que non é unha carreira para facer marca e poder admirar o último treito do Camiño a Santiago.

Tocou madrugar para chegar a Santiago e coller o bus que nos levaría ata Arca, aínda así collín un dos últimos buses que había xa que non atopa onde aparca... Os compañeiros que ían no bus estaban a comentar as particularidades do trazado que íamos percorrer e o que me deron a entender é que ía ser unha carreira bastante dura polas continuas subidas e baixadas que tiña o percorrido.
Cando chegamos a Arca só faltaban 10 minutos para o comezo da proba polo que apenas puiden quentar, un trote suave e xa me coloquei na saída. Tras darse o pistoletazo de saída, arranquei a un ritmo suave xa que non quentara moito e tomeime os dous primeiros km como quecemento, ademais ao saír no medio do “pelotón” e os primeiro km eran estreitos, apenas había espazo para avanzar postos polo que fun con calma sabendo que ía haber tempo para poder marcar o meu ritmo. 
Cando chegamos a primeira subida seria, xa estaba empezando a coller ritmo de carreira, esta primeira subida era por terra e pedras como si se tratara de un trail, aí pensei o ben que me fixo ir ao trail de Carnota porque me sentía bastante cómodo rodando por estas costas de terra e ao igual que algunha costa abaixo que eran parecidas as de Carnota. Dende o km 7 ata o 14 aproximadamente era camiño recoñecido xa que dende cerca do Aeroporto de Lavacolla ata o Monte do Gozo foi o trazado da I Carreira Camiño das Letras que o ano pasado disputei e que me sirve para recordar como de duro era e preparala mellor para este ano. Este tramo é primeiro dunha baixada forte e despois subidas fortes e pequenas baixadas, posiblemente a parte máis dura da carreira xa que nalgunhas das costas daban ganas de botarse a andar. 
Unha vez chegados ao Monte do Gozo tocaba sufrir baixando cerca de 5km e sentir como se cargaban as pernas polo impactos contra o chan, ademais as pernas e as forzas eran escasas e a calor xa era considerable pero foise levando ben a bo ritmo.

Non recordo ben cando foi pero nun dos xiros nos que volviamos para un camiño de terra, un dos aficionados que estaba animando díxonos que gardásemos forzas que quedaba a subida do Sar ata a Praza de Galicia, non pensei que fora a ser tan duro, as pernas ían nas últimas e a “costiña do Sar” non era pequena, moito sufrín para chegar a Praza de Galicia! Menos mal que os ánimos da xente axudaban moito a seguir porque senón seguro que o resultado ía ser diferente. 

Ao chegar a Praza de Galicia xa collemos pola zona vella e a dar todo o que lle quedaban as pernas, quizais demais, porque por esa zona tiven como unha pequena baixada de tensión e quíxome dar un mareo polo que baixei o ritmo un pouco por precaución pero ao momento xa vin que todo volvía a normalidade e volvín apertar para acabar os últimos 500 metros a fondo e facer a entrada na Praza do Obradoiro con bastante público animando.

O final o resultado moito mellor do esperado en cando a posición, en canto o tempo podía estar mellor se os primeiro km se fixeran a outro ritmo pero non ai queixa. Posición 37º de 504 e 12º da categoría, con un tempo de 1h 29min 04seg o que supón un ritmo de 4:14 min/km. En canto ao obxectivo de ir a desfrutar, estou dándome de conta de que non sei o que ir a desfrutar porque sempre acabo dando todo nas carreiras e acabar o último km practicamente a sprint.

En resumen, un carreira dura en canto ao recorrido pero con boas vistas si se vai a desfrutar do último tramo do Camiño a Santiago e moi boa organización e atención ao corredor. Para o ano volveremos a estar seguro sempre e cando as lesións respecten.