Tocou desprazarse ata Silleda onde se celebraba a San Silvestre Concello de Silleda sobre unha distancia de 5 km aprox. que este ano recuperaban e na que teríamos que dar cinco voltas.

O obxectivo será desfrutar e ver que si se pode chegar ao podio xa que pode ser que haxa algunha posibilidade.

Unha vez cheguei a Silleda, fun recoller o dorsal e esperei que viñeran uns compañeiros, funme cambiar e puxémonos a quentar. 

Tras darse comezo a proba, arranquei tranquilo xa que saímos todas as categorías xuntas e nos primeiros metros había que ter moito coidado cos rapaces pequenos pero unha vez superados xa se puido empezar a correr. 

Ao paso pola primeira volta aos cousas xa empezaron a ver claras e tres participantes comezamos a marcar a diferencia respecto aos demais participantes. 

Así o resto das voltas fomos os tres xuntos ata que na última volta Cristobal Dafonte aumentou o ritmo e non conseguín seguilo. Tras mirar cara atrás e ver que non viña ninguén máis para loitar polo podio e conformarme coa segunda ou terceira posición decidín non sprintar nin loitar se Sergio que viña detrás miña me quixese adianta pero que ao final el tampouco intentou nada e chegamos practicamente xuntos.

O final posto 2º, con un tempo que descoñezo xa que non había chips de cronometraxe e tampouco levaba reloxo para poder mirar. Os obxectivos cumpridos xa que conseguín desfrutar da carreira e subir ao podio que está moi ben para despedir este ano.

Podio Absoluto:

     1. Cristobal Dafonte Dieguez

     2. Miguel Iglesias Amores

     3. Sergio Requeijo Requeijo

Resumindo, boa organización a pesar de xuntar as categorías todas e ter que ir con coidado. En canto ao circuíto ben aínda que eu non son moito das carreiras por voltas. 

PD: Fotos cortesía de Concello de Silleda e Sé Senande. Grazas!!