🏃 A CARREIRA 🏃

Íamos en leve subida pero os ritmos estaban sendo moi fortes, de feito neses primeiro Km fixen un ritmo de 3:33'/km coa precaución dos primeiros metros e un cambio de sentido que había aos 500m aprox. que rompe bastante o ritmo. A partir dese primeiro km xa estaba todo o grupo de corredores estirado e eu en plan remontada e forzando o xusto para coñecer ben o percorrido aínda así seguía marcando uns ritmo moi fortes e comprobando que pese a que o percorrido tiña moitos xiros, era moi rápido. Así foron pasando os km's nos que fun gañando postos seguido e remato a primeira das voltas no posto 22º, cun tempo de 13' 28'' pero sobre unha distancia de 3,8 Km non chegaba aos 4 Km anunciados.

A segunda volta foi máis do mesmo pero xa forzando ao máximo para poder gañar algún posto máis para esa clasificación por equipos. Grazas a gran cantidade de público que había (algo que me sorprendeu gratamente) fun tirando con todo o que tiña pero o último Km xa se me estaba facendo moi largo e perdo un posto por un corredor que debía ser local porque creo que non houbo persoa en Noia que non o animase. Así controlando xa os últimos metros para non perder ningún posto máis, chego a meta con un tempo nesta segunda volta de 13' 40'', un pouco máis lenta pero ese último km foi moi duro.

🏆 O MEU RESULTADO 🏆