Desta vez tocou desprazarse ata a capital para disputar a XXXVIII Carreira Popular Pedestre de Santiago de Compostela e que transcorría por un circuíto de 12 km rematando na Praza do Obradoiro.

O obxectivo principal será mellorar o resultado do ano pasado xa que teño un tempo de 47:33 e despois a desfrutar o que se poida desta máxica carreira. 

Unha vez conseguín aparcar en Santiago, dirixinme cara a saída, sen quentar moito porque xa ía xusto de tempo e había que intentar coller sitio para saír o máis adiante posible para mellorar o tempo do ano pasado pero cando cheguei a zona de saída xa era practicamente imposible colocarse adiante polo que quedei nunha zona media. Sabendo onde estaba colocado e coa cantidade de xente que había tería que correr máis rápido despois unha vez que teña camiño por onde poder ir adiantando a xente. 

Unha vez se deu a saída, da cal non me decatei porque estaba esperando o pistoletazo de saída despois do minuto de silencio e non o oín, saín coa idea fixa de remontar polo que sempre que tiña un pequeno espazo por onde meterme alí ía para gañar posicións pero ata despois do km 1 aprox. non comecei a marcar un ritmo bo e comezar a gañar moitas posicións, entre a xente que había e que saín sen quentar moito, fixo que ese primeiro km fora lento pero a partir de aí comecei a dar zapatilla. Sen molestias e rodando rápido pero cómodo, sabendo que quedaba a costa de Vite, fun avanzando a corredores todo o tempo así no paso polo km 7,45 no que estaba situado un punto de control, marquei un tempo de 28:24 o que equivale un ritmo de 3:49 min/km e ía situado na posición 183. 

A partir dese punto de control viña a parte dura subir vista alegre e a costa de Vite, zona na que sempre hai moito público e que motiva moito a seguir e apertar para non baixar moito o ritmo, así subindo aínda gañei algunha posición aínda que tamén as perdín. Acabando a costa de Vite notei as pernas cansadas supoño que polo esforzo de subir e de ter que ir máis rápido antes para remontar posicións aínda así, desde rematar de subir ata meta só faltaban 2km aprox. polo que xa non te podes queixar de cansancio nin nada, só queda correr máis co corazón e dar todo o que che queda mentres desfrutas deses últimos km nas calles da zona vella de Santiago e que gracias a numerosa cantidade de xente que por alí espera, fai que vaias moito máis rápido do que pensabas que podías ir para acabar chegando a praza do Obradoiro con un bo sprint cun compañeiro do Noitebra que neste caso me gañou e rematar esta máxica carreira. 

O final posto 140º de 3549 e 24º da categoría con un tempo de 45:19 o que equivale un ritmo de 3:47 min/km. Os obxectivos finalmente cumpridos xa que baixei 2:14 minutos a marca do ano pasado. Esperaba mellorar un pouco máis pero a clave está na saída e gardar algo de forzar para a costa de Vite aínda así, moi contento co resultado xa que mentres se siga mellorando e porque se están facendo as cousas ben. 

Resumindo é a carreira máxica de Galicia, xa que despois de sufrir, chegas a zona vella e corres como se foran os primeiros km e algo indescritible, máxico, que só coñecen eses afortunados que participan na Carreira Pedestre de Santiago.