Esta maña de domingo desprazámonos ata Lalín onde se celebraba a V Carreira do Cocido, a cal estaba en dúbidas de ir por unhas molestias no pectoral pero ao final, con molestias e todo, fomos disputar a carreira e pasar a maña en Lalín.
Foi unha maña moi fría onde as predicións meteorolóxicas daban neve a noite anterior e pola maña do día da carreira pero que o final quedouse en nada e fixo un día bo para correr.

Despois de recoller dorsal e o agasallo, puidemos desfrutar das carreiras das categorías menores, unha vez remataron os da categoría absoluta dispuxémonos a realizar o quecemento e prepararnos para a saída dende o Concello de Lalín onde tamén ramataría. Eu coloqueime bastante adiante, pese as molestias quería mellorar a marca do ano anterior e poder coller mais rápido as primeiras curvas onde como sempre se fan embotellamentos e hai perigo de caídas.

A carreira pódese dividir en tres partes: a primeira da saída e a zona urbana que transcorre practicamente por asfalto, a segunda a parte do paseo que transcorre todo por terra, algunha ponte de madeira onde era fácil esvarar e carril bici e a terceira que sería o último quilómetro e medio que son de pendente e se non gardaches forzas faise algo durillo.

Pois ben, na primeira parte da carreira fun bastante rápido se cadra rápido demais e nalgunha das baixadas freaba moito polas molestias do pectoral que non me deixaban bracear ben. Na segunda parte xa en terra (máis parecido a un cross, polas chuvias de toda a semana) e carril bici ía adiantando corredores e sentíame ben sen molestias e con un bo ritmo ata que chegamos a terceira parte que puiden acusar a falta de adestramento da semana ou o saír moi rápido, que cheguei sen forza para o sprint final e as pendentes fixéronse moi duras.

Ao final gran resultado pese as molestias e chegar sen forzas, posto 16º de 360 e 5º na categoría (volvo quedar a un posto de subir ao podio pero xa chagará o momento), con un tempo de 37:30 a 3:45 min/km o que suporía conseguir os obxectivos de mellorar o resultado do ano anterior, xa que fixera un tempo de 39:30 e o posto 54 na xeral.

Agora a seguir adestrando para a próxima, sabendo que o podio esperado está mais cerca!