Regreso ao asfalto despois dunha serie de trails que deixo aparcado temporalmente para rematar a preparación para a Wings For Life World Run de Valencia, e aínda que esta semana non puiden adestrar, xa vou tendo unha boa carga de km's nas pernas. 

Desprázome ata Padrón onde se vai celebrar a XXXVIII Carreira da Pascua, sobre unha distancia de 10,5 km e que este ano cambiaba totalmente o percorrido das pasadas edicións.

Os obxectivos serán:

Unha vez que chego a Padrón, diríxome a recoller o dorsal mentres me vou cruzando con compañeiros de equipo. Chegada a hora póñome a quecer un pouco, xa que como quería saír rápido dende un principio, había que estar preparado. Rematado o quecemento e antes de dirixirme a zona de saída, sacamos a foto de equipo.

Vou cara a saída e consigo colocarme bastante adiante e digo consigo porque cando cheguei a zona de saída xa estaban todos os corredores preparados e tiven que ir avanzando entre eles ata colocarme na zona que máis ou menos me corresponde. 

Dáse a saída e arranco ben pero con moita precaución xa que os primeiros metros eran polas calles da zona vella de Padrón e eran estreitas, a parte estaba o público polos laterais e algún obstáculo que había que salvar, por sorte todo foi ben e unha vez pasou ese tramo xa comezo a marcar o meu ritmo.

Pasando polo paseo novo que está ao carón da FINSA paseino mal, pero non por cansancio nin problemas musculares senón que estaba facendo bastante aire e levantaba moito lixo da madeira que se me metía nos ollos e non vía con claridade ata se me puxeron a chorar os ollos para limparse.

Tras pasar esa zona chegamos ao punto de control que estaba cerca do km 5 marcando un tempo de 16:57 minutos polo que estaba a ir bastante rápido. Sigo aguantando o ritmo aínda que comezaba a notar que ía ser posible que non dera aguantado así ata o final, aínda así decido manter o ritmo e aguantar ata onde dea, ademais seguía gañando posicións.

Xa só quedan 3 km para a meta e pásame algo que nunca me pasara o corredor que levaba por detrás non se me despega nin me adianta, decido reducir o ritmo para que me pase pero nada e é que nesa zona pegaba moito o aire e el estábase a beneficiar de que eu lle parase o aire (nin que ocupara moito eu...), cansado de que non me adiantase fago un cambio de ritmo e consigo gañar uns metros.

Ese cambio de ritmo veume malísimo xa que uns metros máis adiante noteime moi cansado, por sorte chega un compañeiro de equipo que me anima a que me enganche a el pero viña moi forte, aínda así intento xa que só restaba 1,5 km. O compañeiro era unha máquina chegou onde estaba eu como si nada, aparentando que estaba empezando a correr e eu xa estaba nas últimas. 

Dígolle que siga el que eu xa non daba máis pero ségueme animando a acabar xuntos que xa non quedaba nada e fago un último esforzo para chegar xuntos a meta. Como me alegro de estar neste equipo onde o máis importante é o compañerismo e o bo rollo.

Os obxectivos o final cumpridos xa que as pernas responderon bastante ben e a pesar de que os últimos km's xa ía escaso de forza conseguín recuperarme gracias ao compañeiro que tirou de min e puiden acabar moi ben sacando forzas de onde non as había. Sorprendeume o ritmo xa que corrín por debaixo da miña mellor marca nos 10 Km polo que as cousas van ben, agora a adestrar e seguir sumando Km's para chegar o mellor posible a Wings For Life World Run.

Para rematar unha foto con Reyes Estévez que por segundo ano consecutivo fixo esta proba.

Clasificación xeral mulleres

1. Paula Mayobre González ......... 37:39
2. Marinela Mayo Caamaño ......... 39:22
3. Ariana González Verde ............ 39:43