Tocou disputar a última proba do V Circuíto de Carreiras Saudables de Santiago de Compostela a CorreSan – Ruta dos Parques. Unha proba nova que partiría dende a Cidade da Cultura ata o Parque Eugenio Granell, pasando polo Bosque de Galicia (nas inmediacións da Cidade da Cultura) e polo Paseo Fluvial do Sar, completando unha distancia de 5,8 km practicamente baixando seguido. 

Os obxectivos serán activar as pernas de cara a carreira de maña e desfrutar desta nova carreira, xa que en canto a posición final de circuíto teño imposible chegar ao podio a non ser que non se presenten os participantes que teño por diante na clasificación. 

Unha vez que chegamos a Santiago fomos ata a zona da meta para recoller o dorsal e coller o autobús que nos levaría ata a saída, no traxecto fun pensando como facer a carreira e como lin en comentarios de Correr en Galicia que había zonas complicadas de pasar en fila india, decidín saír rápido para ter o camiño máis despexado e despois ir pouco a pouco máis relaxado. 

Xa na Cidade da Cultura quecemos un pouco e xa nos colocamos na saída, mentres comezaba a chover e onde sopraba un aire forte que facía incrementar a sensación de frío. Tras darse a saída, arranco con moita precaución, xa que me situei algo atrasado e o chan ao estar mollado estaba máis perigoso para esvarar.

Rápido collín un bo ritmo no que ía gañando moitas posicións e colocándome ben para entrar nas zonas nas que tiñamos que ir en fila de un. 

Baixando polo Bosque de Galicia había varias curvas cerradas nas que perdía un pouco tempo por entrar máis tranquilo para non esvarar. 

Ao saír do Bosque de Galicia, tiñamos outra baixada onde gañei algún posto ata chegar ao Paseo Fluvial do Sar, esa era unha das zonas máis comprometidas e onde tiñamos que ir de un sen poder adiantar porque non había espazo, a partir de aí comecei a relaxarme e mantiven un ritmo constante ata chegar ao Parque Eugenio Granell, onde está situada a meta. 

Neste parque xa me relaxei de todo e ía desfrutando da última parte da carreira e entrando no parque con precaución porque había que pasar por unha zona de herba e por unha ponte que estaba esvaradiza pero o que non contaba era con unha pendente que había a falta de 1 km para meta que se me fixo bastante larga a pesar de ir tranquilo, logo só quedaba baixar, onde perdín algunha posición pero contento xa que hoxe non estaba para correr rápido nin disputar posición e cruzo a meta con un compañeiro do Universidade Santiago de Compostela. 

O final chego na posición 47º de 405 e 18º da categoría con un tempo de 22:19 minutos que equivale a un ritmo de 3:51 min/km. 

Os obxectivos cumpridos, fun de máis a menos, controlando o ritmo para disputar a carreira maña e sen esforzarme moito, a non ser na saída para coller bo sitio. 

En canto a carreira, gustoume a pesar de que non son moito de carreiras con moitas baixadas, esta é bonita, para desfrutar polos parques de Santiago e coñecer zonas que eu polo menos ata agora non coñecía. O avituallamento final moi ben, froita, auga e isotónico e con voluntarios nos cruces e nas zonas complicadas avisando do perigo.

Clasificación xeral mulleres:

1. Esther Pedrosa ...................... 23:11
2. María González .................... 23:56
3. Lara Buig ............................. 24:25