Unha vez cheguei a lugar da meta no Parque Eugenio Granell, collín o bus que nos levaría ao lugar da saída na Cidade da Cultura. Xusto cando estabamos chegando, púxose a chover polo que comecei o quecemento a cuberto polas instalacións da Biblioteca da Cidade da Cultura, como vin que non tiña moita pinta de parar decido saír igualmente para ir aclimatando o corpo a auga e o frío que estaba a facer.

Coloqueime bastante adiante coa idea de saír rápido e non perder moito como fago sempre. Tras un pequeno atraso, esperando a confirmación de que todo estivera ok para saír, arrancamos, xa sen choiva e vou perdendo posicións por precaución para non tropezar con outros corredores.

Transcorridos uns metros xa collo ritmo e comezo a gañar postos, antes de encarar a baixada da Cidade da Cultura polo zig-zag que teñen feito no Bosque de Galicia.

Comecei a baixar ben pero en cada curva cerrada ao estar todo mollado, había que frear antes senón corríase o perigo de esvarar, por sorte non pasou nada. Chegamos ao Multiusos Fontes do Sar onde poñemos rumbo ao Paseo fluvial do Sar. As sensacións eran boas e segundo o reloxo estaba marcando ritmos entorno a 3:10 / 3:30 min/km, tamén dicir que era todo costa abaixo. 

Xa polo Paseo fluvial do Sar as cousas comezáronse a complicar pero non por molestias senón que o terreo era area e ao estar mollada facía patinar moito as zapatillas e perdíase tracción, non era moito pero as veces si que se notaba bastante.

Chegamos ao Parque Granell polo que xa só restaban 2 Km intento dar todo o que me quedaba para seguir gañando posicións pero as pernas estaban bastantes castigadas de tanto baixar, xa me custaba bastante respirar pola mucosidade que sigo tendo da gripe e o percorrido polo parque non permitía manter un ritmo forte debido ao cambios de sentido e as varias pontes esvaradías que había, nunha delas ata fun andando para non caer xa que alí estaba caendo bastante xente. O terreo era o propio para facer un cross, algo que fun pensando chegando a meta.